Fór yfir Hellisheiði Eystri og endaði við Vopnarfjarðarkaupstað - 2075 km eftir

Ég lenti í öllum veðrum á þessari leið. Ég lenti í frostrigningu sem er rigning sem frís strax og hún lendir. Svo var gola með þessu þannig að það hlóðst ís á bílinn og mig aðallega hárið. Ég læt nokkrar myndir af þessssu við tækifæri. Síðan lenti ég í snjókomu þegar ég kom niður af heiðinni og endaði í sól og 13 stiga hita í restina. Hellisheiðin var 14  km löng og 8 km löng brött brekka 12-14 gráðu halli. Ég varð  að nota tækni til þess að fara þetta. Hún fólst í styttri skrefum en vanalega og að fara rólega upp brekkuna 22 min í stað 12- 14 min. Sannig mjakaðist ég upp. Brekkur eru mjög hættulegar fyrir meiðsli. Ég lenti í slíkum meiðlum í fyrra og kem því með meiri þekkingu á þeim nú. Bæjarstjórnin á Vopnarfirði ætlar að styrkja gönguna og við Fúsi bílstjóri erum í góðu yfirlæti á hótel Tanga á Vopnarfirði og verðum þar næstu daga. Geng í gegnum Vopnafjarðarkaupstað og upp á heiðina á milli Vopnafjarðar og Bakkafjarðar á morgun. Hún er töluvert lægri og þægilegri en Hellisheiðin

Gekk Hellisheiði Eystri í dag. Vegalengd eftir ca 2100 km

  Ég endaði gönguna uppá Hellisheiði eystri eftir 25 km labb. Hún er mjög löng og brött og tók töluvert í. En þetta hófst og gekk mjög vel. Við Fúsi sáum páfagauk í 20 km stoppinu við rætur Hellisheiðarinnar. Hann hefur líklega sloppið útúr búrinu sínu af bæjunum í kring. Veðrið var mjög gott gönguveður eða 5 – 8 stiga hiti og skýjað. Ég er búinn að labba núna 100 km.

internetmálin komin í lag 2125 km eftir

Jæja núna er ég kominn með internetaðgang aftur þannig að ég get bloggað núna dag frá degi. Eg hef haldið dagbók síðustu 2 daga og skrifa hana  á eftir þessum texta. Í dag gekk ég frá 14 km upp eftir vegi 94 og endaði 1 km frá Svartaskógi. Veðrið er eiginlega of gott því að hitinn er í 20 gráðum þegar mest er og það sem ég er vanur að ganga í síðustu mánuði er nær 5 stigum. Þess vegna er vandamál á þessari göngu vökvaskortur og saltskortur. Var kominn með flökurleika og sinadrátt eftir fyrstu 15. Eftir Leppin orkudrykk og brauð var ég orðin miklu betri og hélt ég áfram 10 min seinna. Kominn með blöðru á vinstri fót. Ég undirbjó hana með því að setja yfir hana second skin plástur. Mikið af gæs og hunangsflugum. Nátúran er að taka við sér. Á morgun enda ég undir Hellisheiði eystri sem er hæsta heiði sem eg fer yfir á næstunni. Reyni að sofa vel til þess að vera vel up lagður fyrir heiðina.

 

7 mai 2150 km eftir

 

Í upphafi dags var gott veður og sól en kólnaði um miðjan daginn en varð síðan betra siðdegis. Strandgangan kom mikið í fjölmiðlum Ég fattaði að það vantaði 14 km uppá leiðina miðað við það sem ég hafði áætlað. Ég endaði við lagarfljótsvirkjun og labbaði 25.5 km

 

6. mai 2175 km eftir

Ég fór 25 km í dag. Þetta var mjög góður dagur. Veðrið var gola og 17 gráðu hiti. Eirikur bæjarstjóri Egilstaða og stjórnir krabbameinsfélaganna á Egilstöðum og Austfjörðum gengu með mér fyrstu km. Hunangsflugurnar eru byrjaðar að leita ser að bústað og eru áberandi. Fólk heilsar mér á göngunni og labbar mér. Steinn Steinsson sem ég hef ekki séð í 20 ár birtist allt í einu og labbaði með mér.

Einn dagur eftir

Núna byrjar gangan í fyrramálið á Essostöðinni á Egilstöðum kl 0900. Fúsi kominn til Akureyrar og leggur afstað til Egilstaða í eftirmiðdaginn. Ég fer með flugi til Egilstaða í hvöld kl 0700. Fúsi laggði af stað með 240 flöskur af orkudrykk. Hann skilur eftir 140 á Akureyri og fer með 100 stykki til Egilstaða. Viðtöl við fjölmiðla gengu vel í gær og sá dagur var mjög erfiður í alla staði og miklir snúningar bæði á mér og fúsa Greyinu. En allt gekk upp á þann hátt sem við ætluðum og það var fyrir öllu. www.memo.is eiga miklar þakkir skilið fyrir að merkja fyrir okkur 2 bíla. Pólóinn sem eyðilaggðist og bílinn  hans fúsa sem við urðum að fara á í ferðina.

Talaði við Reyni Pétur í gær

Ég og Einar Magnús upplýsingarfulltrúi strandvegagöngunnar fórum til Reynis Péturs göngugarps í Sólheima og konu hans. Við spjölluðum um heima og geyma og áttum mjög skemmtilegt hvöld saman. Hann hafði mjög gaman að þessu og tókum við myndir af okkur saman

Fúsi aðstoðarmaður er kominn með bílinn sinn frá Akureyri og hann er í merkingu hjá www.memo.is í þessum skrifuðu orðum. Hann nær í hann kl 17 í dag og fúsi miun leggja af stað til Akureyrar í hvöld og fer síðan frá Akureyri til Egilstaða á morgun. Þar hittumst við annað hvöld hjá Böðvari

Mæti í kastljósi og sjónvarpsfréttum í hvöld.

Ferðabíllinn ónýtur

Ég lentí í því eftir að hafa merkt WV Poloinn minn strandvegagöngunni og krabbameinsfélaginu að gírkassinn varð ónýtur. Hann kostar 400.000 kr . Þetta þýðir að ég get ekki notað hann í ferðina .  Ég reddaði þessu veseni með því að ég sendi fúsa bílstjóra til Akureyrar með flugi til þess að ná í gamla  bílinn hans og hann fer í merkingu á morgun. Fúsi fer svo á honum til Egilstaða á föstudag.  Ég mæti í kastljós á RUV annað hvöld.

Nú fer að styttast

Bíllinn góði bilaði um helgina þannig að Fúsi aðstoðarmaður og frú gátu ekki farið á honum til Akureyrar eins og þau ætluðu. Ég set bílinn í viðgerð á morgun. Ef ég get fengið hann í vikunni þá væri það frábært. Hins vegar ef ég get ekki fengið hann í vikunni þá munum við verða með bílinn hans fúsa þangað til að Einar Magnús kemur til akureyrar í lok mai. Svona getur komið fyrir.

undratækið virkar ekki fyrir blogg

Ég fékk mer´undratæki sem er bæði sími og tölva. Ætlunin var að nota þetta tæki til þess að blogga í sumar á labbinu. Þegar ég var búinn að stilla það í gærhveldi þá sá ég það mér til mikillar mæðu að ég kemst ekki inn í stjórnborðið til þess að skrifa. Ég er að vinna í því að laga það ef það er hægt. Fúsi aðstoðarmaður kemur í dag með konunni sinni til þess að skemta sér í Reykjavík og að ná í bílinn minn. Þau fara á honum á mánudag.

Bíllinn kominn með merkingu

Nú er búið að merkja bílinn. Þetta er heljarinnar flott hjá memo.is sem gerði þetta fyrir mig í gær. Það er þegar búið að hringja í styrktarnúmerið 9075050 nokkrum sinnum og mæli ég með því að sem flestir geri það. Eina sem eftir er núna er að útvega boli og endurskinsvesti með auglýsingum. Það reddast á næstu dögum. Ég er að skoða núna síma með interneti og stýrikerfi sem ég get komist á internetið og bloggað á þessari síðu í sumar hvar sem ég verð. Ég datt inn á mjög gott tæki sem ég er alvarlega að skoða. Læt ykkur vita hvernig gengur og sendi vonandi blogg úr tækinu á næstunni.

Undirbúningurinn heldur áfram

Ég sendi bílinn í dekkjaskipti yfir á sumardekk í snjónum í morgun!! Nú er komið sumar og þar við situr. Ömmulabbið um helgina gekk mjög vel og kom líkaminn vel út úr því. 12 dagar í gönguna