Strandvegagangan 2006

Ég skipulegg ferðina eftirfarandi

Sumarið 2007: London-Edinborg

Sumarið 2008: Edinborg-Liverpool

Sumarið 2009: Liverpool- London

Erfiðasti leggurinn mun vera sumarið 2008 þar sem ég geng yfir Skosku hálöndin og Wales. Þetta verður töluvert lengra og erfiðara en vestfirðir.

Ég er byrjaður aftur eftir tæpar 7 vikur í fríi frá labbi og ræktinni. Það er ágætt eftir svona törn eins og í sumar að leyfa líkamanum að jafna sig. En núna er ég byrjaður og fullur af orku fyrir næsta verkefni sem er strandvegaganga í kringum Bretland. Fyrsti áfanginn verður næsta sumar þegar ég labba frá Piccadilly Circus í London og til Edinborgar í skotlandi. Stefni á að gera það 1. júní 2007. ég er kominn með bílstjóra og bíl. Ég myndi senda bílinn með skipi vikuna áður og fara síðan með lest og ná í hann daginn áður. Ég er líka kominn með ritara þannig að ég mun skrifa meira í næstu ferð heldur en þeirri síðustu á bloggið.  Bretland er skemmtilegt land með tilliti til hjóla,hlaupa og göngutúra því að það er rík hefð fyrir göngustígum allstaðar meðfram götum. Þannig minnkar það hættu á slysum.

Stefnan er sú að ég fari 1000 km á sumri þangað til að ég klára þetta

Það sem ég er að gera núna er að leita mér að styrktaraðilum fyrir gönguna. Í þessu tilfelli er betra að fá peningaupphæð fyrir kostnaði heldur en að hringja í gistingar eins og ég ferði í fyrra. Á móti fær styrktaraðilinn auglýsingu sem verður mikil.

Það sem ég lærði á göngu minni um strandvegi Íslands má skipta í nokkra þætti

-Ég lærði gríðarlega á líkamann og hvernig hann hegðar sér undir álagi. Ég ætla að setja inn grein um þetta efni á næstunni því að sú vitneskja er efni í sér grein

-Ég kynntist Íslandi mjög vel og þorpum og sveitum á landsbyggðinni og hugsunarhætti fólksins.

-Fyrst og fremst lærði ég hvernig á að taka verkefni að mér sem er mjög stórt í sniðum eins og þetta og klára það með öllu því sem því fylgir.

-Ég lærði á fjölmiðla sem eru alveg óútreiknanlegir og koma yfirleitt ekki þegar þeir eiga að koma en koma þegar þeir eiga ekki að koma..

Hvað geri ég næst

Fyrir utan að byrja að vinna aftur þá langar mér að klára leitina að Goðafoss. Hún er erfið vegna margra utanaðkomandi þátta sem ég ræð ekki yfir eins og menntun og þjálfun kafara á Íslandi til þess að taka svona verkefni að sér. Ef svo reynist að þetta er ekki fyrir hendi þá verð ég að bíða í nokkurn tíma (ár) þangað til að það er komið í lag á Íslandi

Hvað hægt er að gera í framtíðinni fyrir garpa

Nú er ég búinn að ganga lengsta hring sem hægt er að  ganga í kringum Ísland og bætti fyrrverandi Íslandsmet um 2029 km úr 1417 km sem Reynir Pétur Ingvarsson tók 1985 og í 3446 km sem ég tók 2006.  Það sem mig langar til þess að gera er að taka garpamet í sjósundi. Núverandi lengsta sund sem þreytt hefur verið er að synda frá Vestmannaeyjum til lands. Kristinn Magnússon félagi minn frá Sundfélagi Hafnarfjarðar gerði það fyrir nokkrum árum. Mig langar að bæta um betur og gera eitt af eftirfarandi:

-Synda í kringum Ísland alls 2300 km leið

-Synda Frá Reykjavík til Skotlands 1100-1300 km

Mér líst best á síðari kostinn bæði af því að hann er styttri og ekki eins háður sjávarfallastraumum.

kl 1000 - Ég legg af stað frá Mosfellsbæ

Kl 1500 - Fólk getur labbað með mér síðasta spölinn að Ráðhúsi Reykjavikur frá höfuðstöðvum Glitnis við Kirkjusand.

kl 1615 Borgarstjórinn í Reykjavík tekur á móti mér í Ráðhúsi Reykjavíkur og lok göngunnar staðfest

kl 1900 Vínbarinn Kirkjustræti. Boðið upp á osta og brauð og spjall